Hudaýyň Jemagatlary

Hudaýyň Jemagatlarynyň Iman Beýanyny

Bu iman beýany diňe iman, doganlyk we aramyzdaky hyzmatdaşlyk üçin esas hökmünde niýetlenendir. Bu beýan etmelerde ulanylýan frazeologiýalara Hudaý tarapyndan ylham berilmedi, ýöne hödürlenen ýörelgeler hakyky Pentikost (Ellinji gün Mesihileri) gullugy üçin zerur hasaplanýar. Hiç kim olaryň ähli Mukaddes Kitap taglymatlaryny saklaýandygyny öňe sürmeýär, ýöne diňe şu esasy taglymatlar biziň zerurlyklarymyzy kanagatlandyrýar. (World Assemblies of God Fellowship)

PDF görnüşini şu ýerden ýükläň: türkmençe şu ýerde, rusça şu ýerde ýa-da özbekçe şu ýerde.

 

  • Biz Mukaddes Ýazgylaryň, Köne Ähtiň hem, Täze Ähtiň hem Hudaý tarapyndan anyk ylhamlanandygyna ynanýarys we bu hiç bir günä etmeýän, imanyň we özüňi alyp barşyň abraýly düzgünine eýerýän adama Hudaýyň aýanlygy bolup durýar. Ylahy ylham, asyl ýazgylaryň ähli böleklerine deň derejede we doly ýaýraýar, olaryň doly ygtybarlydygyny kepillendirýär (2 Timoteos 3:15-17; 2 Petrus 1:21).

  • Biz öz-özünden bar bolan we özüni üç şahsyýetde bir şahsyýet hökmünde açan ýeke-täk hakyky we diri Hudaýa ynanýarys: Ata, Ogul we Mukaddes Ruh (Matta 3:16-17; 28:19).

    a. Ata Hudaý.

    Biz asmanyň we ýeriň Ýaradyjysy hökmünde, baky bar bolan, üçbirlik Hudaýlygyň birinji şahsyýeti bolan Ata Hudaýa ynanýarys, hemme zatda hemme zat bolmagy üçin, Kanun Beriji bolan Oňa ähli janly-jandarlar boýun egerler (Gelip çykyş 1:1; Kanun taglymaty 6:4; 1 Korintoslylar 15:28).

    b. Reb Isa Mesih.

    Biz Hudaýyň baky Ogly bolan we bolmagynda galýan, üçbirlik Hudaýlygyň ikinji şahsyýeti Reb Isa Mesihe ynanýarys; Ol Mukaddes Ruh arkaly keşbe girdi we päk gyz Merýemden dünýä indi. Biz Onuň günäsiz durmuşyna, gudratly gullugyna, günäli ölümiň öwezini dolýandygyna, bedeniniň direlmegine, dabaraly asmana göterilmegine we hemişelik penakärligine ynanýarys (Işaýa 7:14; Ýewreýler 7:25-26; 1 Petrus 2:22; Resullaryň işleri 1:9; 2:22; 10:38; 1 Korintoslylar 15:4; 2 Korintoslylar 5:21).

    ç. Mukaddes Ruh.

    Biz Atadan we Oguldan emele gelen, üçbirlik Hudaýlygyň üçünji şahsyýeti bolan Mukaddes Ruha ynanýarys, Ol günälini ýazgarýar we täzeden dikeldýär,  imanlyny bolsa, ähli hakykatda mukaddes etmek işinde hemişe bar we işjeň gatnaşýar (Ýohanna 14:26) ; 16: 8-11; 1 Petrus 1: 2; Rimliler 8: 14-16).

  • Biz adamzadyň gowy we dogruçyl edilip ýaradylandygyna ynanýarys. Muňa garamazdan, meýletin edilen günä olaryň Hudaýdan daşlaşmagyna sebäp boldy, şeýlelik bilen olar diňe bir fiziki ölüme däl, eýsem Hudaýdan aýra düşýän ruhy ölüme-de sebäp boldylar (Gelip çykyş 1:16-27; 2:17; 3: 6; Rimliler 5:12-19).

  • Biz Mesihe iman etmek arkaly gutulyşa ynanýarys, çünki Ol biziň günälerimiz üçin öldi, jaýlandy we üçülenji gün ölülerden direldi. Onuň günäni bagyşlama gany arklay Mesihiň haçdaky gurbanlygynyň üsti bilen bütin adamzada gutulyş berildi. Bu başdan geçirme täze dogluş hökmünde hem bellidir we Mukaddes Ruhuň dessine we doly hereketidir, şondan soň iman eden günäkär täzeden dogulýar, aklanýar we Hudaýyň maşgalasyna kabul edilýär, Isa Mesihde täze ýaradylyş bolýar we ebedi ýaşaýşyň mirasçysy bolýar (Ýohanna 3:5-6; Rimliler 10:8-15; Titus 2:11, 3: 4-7; 1 Ýohanna 5:1).

  • Biz keselden gutulmaklyk günäniň geçilmegini berýändigine we ähli mesihiler üçin aýratyn hukukdygyna ynanýarys (Işaýa 53:4-5; Matta 8:16-17; Ýakup 5:14-16).

  • Biz ýygnagyň Mesihiň bedenidigine we Mukaddes Ruh arkaly Hudaýyň mesgen tutýan ýeridigine ynanýarys, ol häzirki dünýäde Hudaýyň Patyşalygynyň bardygyna şaýatlyk edýär we täzeden doglanlaryň hemmesini öz içine alýar (Efesliler 1:22-23; 2:22; Rimliler 14:17-18; 1 Korintoslylar 4:20).

    Biz ýygnagyň wezipesiniň (1) gutulyş Hoş Habaryny bütin adamzada wagyz etmekden, (2) mesihileri ruhy hyzmat etmekleri üçin güýçlendirmekden we okatmakdan, (3) ybadat arkaly Rebbi şöhratlandyrmakdan we (4) ejir çekýänleriň hemmesine mesihi rehim-şepagatyny görkezmekden ybaratdygyna ynanýarys (Matta 28:19-20; 10:42; Efesliler 4:11-13).

  • Biz suwa çokundyrylmagyň toba edenleriň we iman edenleriň hemmesinden garaşylýandygyna ynanýarys. Şeýle etmek bilen, olar Mesih bilen ölendiklerini we täzelenen durmuşda ýaşamak üçin Onuň bilen gaýtadan direlendiklerini dünýä mälim edýärler (Matta 28:19; Resullaryň işleri 10:47-48; Rimliler 6:4).

    Biz Rebbiň agşamlyk nahary arkaly Rebbimiz Isa Mesihiň görgüleriniň we ölüminiň yglan edilýändigine ynanýarys, Reb gaýdyp gelýänçä, bu ähli imanlylar tarapyndan paýlaşylmalydyr (Luka 22:14-20; 1 Korintoslylar 11: 20-34).

  • Biz mukaddeslemegiň erbetlikden aýra çekilmekdigine we özüňi Hudaýa bagyşlamakdygyna ynanýarys. Muny başdan geçirmeklik birbada derrew we kem-kemden bolup geçýändigini görkezýär. Bu Mesihiň ganynyň güýjüni kabul etmek arkaly mesihiniň durmuşynda bolup geçýär we Mukaddes Ruhuň şahsyýetiniň üsti bilen direlen durmuşy kabul edýär. Ol imanlynyň ünsüni Mesihe çekýär, Söz arkaly öwredýär we ony Mesihiň keşbine öwürýär (Rimliler 6:1-11; 8:1-2,13; 12:1-2; Galatýalylar 2:20; Ýewreýler 10:10, 14).

  • Biz Mukaddes Ruh arkaly çokundyrylmagy imanlynyň Mesihde ýaşamakdygyna we Oňa hyzmat etmek üçin güýçdigine ynanýarys. Muny başdan geçirmeklik täzeden dogulmakdan tapawutlanýar we iman bilen kabul edilýär, ilkibaşdaky subutnama hökmünde Mukkades Ruh sözleri aýdanynda, başga dillerde gürlemeklik ýüze çykýar we we onuň yzyna eýerilýär (Luka 24:49; Resullaryň işleri 1:8; 2:1-4; 8:15-19; 11:14-17; 19:1-7).

  • Biz Mukaddes Ruhuň dokuz sany adatdan daşary peşgeşiniň (1 Korintoslylar 12) şeýle hem ýygnagy berkitmek we giňeltmek üçin Mesihiň gulluk peşgeşleriniň ( Efesliler 4:11-13) häzirki zaman işine ynanýarys.

  • Biz Rebbimiz Isa Mesihiň Öz halkyny Özüne ýygnamak üçin göz açyp ýumasy salymda, ýakyn wagtda we şahsy gaýdyp geljekdigine ynanýarys. Muňa merhemetli umyt etmek we çyn ýürekden garaşmak bilen, Ol gelende Onuň bilen duşuşmaga taýyn bolmagymyz üçin, edil Onuň Özi ýaly päk bolmak üçin özümizi tämizleýäris (Ýohanna 14:1-3; Titus 2:13; 1 Salonikliler 4:15-17; 1 Ýohanna 3:2-3; Aýanlyk 20:1-6).

     Biz bütin adamzadyň beden taýdan direlmegine, Rebbimiz Isa Mesihe çyn ýürekden ynanýanlaryň hemmesiniň aňly-düşünjeli baky bagtyna we Durmuş kitabynda atlary ýazylmadyklaryň aňly-düşünjeli baky jezasyna ynanýarys (Ýohanna 5:28-29; 1 Korintoslylar 15:22-24; Aýanlyk 20:10-15).